16
апрель
2025
Төтенше жағдайлар басқармасы қызметкерлері №31 орта мектеп оқушылары мен мұғалімдеріне арналған оқыту іс-шарасын өткізді.
2025 жылдың 16 сәуір күні Тараз қаласының Төтенше жағдайлар басқармасы қызметкерлері №31 орта мектеп оқушылары мен мұғалімдеріне арналған оқыту іс-шарасын өткізді. Сабақ барысында «Жер сілкінісі»,« Су тасқыны кезіндегі іс-әрекет», «Судағы қауіпсіздік»,«Өрт қауіпсіздігі» тақырыптары бойынша бейнероликтер көрсетіліп, осы мәселелер бойынша түсіндірмелер берілді.Іс-шара аясында қатысушыларға төтенше жағдай кезінде адамдарды құтқаруға арналған арнайы техника мен жабдықтардың жұмыс істеу принциптері туралы айтылды. Сонымен қатар, «Дабыл» белгісі бойынша мектеп ғимаратынан эвакуация жасау бойынша практикалық жаттығу ұйымдастырылып, оқушылар нақты қауіпті жағдайда жылдам және ұйымдасқан шығу дағдыларын шыңдауға мүмкіндік алды.Осындай кешенді оқыту мектептегі қауіпсіздіктің деңгейін арттыруға және жасөспірімдердің өз өміріне, сондай-ақ айналасындағы адамдардың өміріне жауапкершілікпен қарауына бағытталған.